Cobre San Rafael pechou 2019 cun investimento acumulado de 7,5 millóns de euros para mellorar o proxecto mineiro en Touro e O Pino

Cobre San Rafael fai balance dos seus dous anos de actividade en Galicia, pechando 2019 cun investimento acumulado de 7,5 millóns de euros, destinados a labores de investigación, desenvolvemento e innovación. Neste período, a actividade virou ao redor da exploración xeolóxica e a redacción do seu proxecto mineiro, no que colaboraron investigadores das universidades públicas galegas de diferentes ámbitos e outros organismos científicos e consultorías galegas e internacionais de primeiro nivel.

O compromiso da compañía galega é reabrir a explotación de cobre nunha área mineira xa en activo, mediante un plan responsable e sustentable, que respecta os valores ambientais, económicos e sociais da súa contorna. Para iso as prioridades das investigacións e estudos emprendidos foron deseñar un plan mineiro compatible con outras actividades económicas, que neutraliza o impacto ambiental e visual á vez que garante o vertido cero de augas ao medio.

Como parte deste compromiso e dun intenso proceso administrativo, aínda en marcha, que outorgue a seguridade necesaria a todas as partes, Cobre San Rafael xerou máis de 320 documentos que suman 15.000 páxinas de información técnica orixinal, e que conteñen 3.601 figuras, 2.510 táboas e 680 planos de detalle. Os diferentes informes elaborados pola compañía, respondendo a un criterio de transparencia, estiveron en exposición pública de forma que calquera organismo ou particular interesado puido consultalos e estudalos.

A documentación científica e de investigación realizada inclúe, ademais do propio Proxecto de Explotación, o Estudo de Impacto Ambiental ( EsIA), e o Plan de Restauración, anexos e proxectos de detalle que dan resposta a cuestións sociais e ambientais.  Ademais, ao longo do ano, Cobre San Rafael elaborou estudos de investigación complementarios que responden as cuestións expostas nos informes sectoriais emitidos pola Administración (Patrimonio Natural; Augas de Galicia; Minas;  Concellos, etc.). Entre eles destaca o Informe de Caracterización de Residuos; o Estudo de Afeccións  Hidrodinámicas na contorna da Mina de Touro, a Avaliación do Estado Ecolóxico das Augas, ou o Estudo das Concas Visuais do Camiño de Santiago Francés. Por outra banda, deuse resposta individualizada a todas e cada unha as peticións de información presentadas por entidades, colectivos e cidadáns particulares.

COLABORADORES

Para este inxente esforzo, Cobre San Rafael contou con diversos profesores e investigadores das tres universidades públicas galegas, e organismos científicos como o CSIC, así como diversas empresas de referencia especializadas nos campos de xeoloxía, a  geotecnia, a edafoloxía, as augas  hidrodinámicas contaminación ou o ruído forestal.

A actividade destes dous anos de Cobre San Rafael, centrada na contorna de Touro e O Pino, pero que abarca a toda a comunidade galega, estivo centrada no coñecemento e investigación para o posterior desenvolvemento e posta en marcha do Proxecto Touro, empregando na actualidade a preto de 20 persoas, e potencialmente – cando se aprobe o proxecto – xerando máis de 400 empregos directos e 1.000 indirectos. Estas dinámicas son propias de explotacións xa en marcha en España. Un exemplo é a mina de  Riotinto -explotada na actualidade por un dos socios do proxecto, Atalaia  Mining- e que, tras 15 anos de inactividade, pasou de 30 empregos a máis de 900 nun moi curto prazo de tempo e tras investir máis de 300 millóns de euros de recursos propios.

Si continuas utilizando este sitio aceptas el uso de cookies. más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar