Apoio ao tecido social da Comarca de Arzúa
Que é
Con esta iniciativa, enmarcada no ámbito “Terras da Xente”, Cobre San Rafael contribúe a fomentar o benestar social e o desenvolvemento sostible da comunidade promovendo proxectos impulsados por entidades sen ánimo de lucro, que se encadren dentro das áreas educativa e formativa, benéfico-social, cultural, deportiva, ambiental, recuperación do patrimonio histórico ou mellora das infraestruturas locais.
Así, este programa pretende premiar, patrocinar, axudar e colaborar con proxectos de diversa índole que redunden na mellora da calidade de vida dos cidadáns do territorio. Para iso, pon en marcha esta convocatoria. Concretamente, a empresa destinará un total de 25.000€ aos proxectos premiados.
Podes consultar as bases da convocatoria aquí.
Premios
Esta iniciativa conta cunha dotación económica anual relevante que alcanza os 25.000€
Para asegurar unha adecuada repartición destes fondos, e que teñan efecto positivo nos diversos ámbitos de actuación, prevese a súa distribución en diversos premios:
- 10.000 euros. Distribuídos en 2 premios aos proxectos que obteñan mellor puntuación na convocatoria:
- Primeiro premio: 7.000 euros
- Segundo premio: 3.000 euros
- 15.000 euros.
- Distribuídos en axudas por importe máximo de 1.500 euros aos proxectos con maior puntuación tras os 2 premiados.
Para optar a algún destes premios, as organizacións deberán presentar os seus proxectos a unha concorrencia competitiva.
Requisitos
Para participar na convocatoria é necesario cumprir as seguintes condicións:
- Os proxectos presentados deberán ser executados na comarca de Arzúa.
- O prazo de execución dos proxectos establécese entre o 1 de xaneiro e o 31 de decembro de 2022.
- As entidades que se presenten deben de estar constituídas legalmente como asociacións ou entidades sen ánimo de lucro con fins sociais, educativos, culturais, ambientais e/ou deportivos.
- Cada entidade poderá presentar un único proxecto.
¿Cómo participar?
As entidades que queiran participar deberán seguir un proceso de acreditación e valoración dos seus proxectos, que inclúe os seguintes pasos:
- Enviar un formulario de solicitude de participación
- O formulario podes descargalo aquí.
- O formulario enviarase debidamente cumprimentado ao email: info@cobresanrafael.gal en formato PDF.
- Indicando no Asunto do email: TERRAS DE XENTES Convocatoria 2021-2022. Non se atenderá ningunha solicitude recibida fóra deste período de admisión. O formulario achégase como anexo a estas bases.
- O prazo para enviar o formulario de solicitude é do 15 de febreiro ao 15 de marzo de 2022.
- Xunto ao formulario de solicitude, hai que presentar a seguinte documentación:
- Unha memoria explicativa do proxecto.
- Un certificado bancario que acredite a titularidade da conta de abono da axuda.
- Documentación acreditativa da situación legal da entidade que solicita a axuda:
- Fotocopia do documento de constitución da entidade.
- Fotocopia do CIF da entidade
- Fotocopia dos estatutos da entidade
- Fotocopia da Resolución de inscrición no Rexistro correspondente