Unha tradición mineira centenaria
A HISTORIA DO XACEMENTO DE TOURO-O PINO
A comarca de Touro posúe unha tradición mineira centenaria. As primeiras referencias documentadas sobre a actividade mineira na zona apareceron a principios do século XX, cando diferentes medios locais se fixeron eco do descubrimento de xacementos nas Arcas e Touro.
En 1973 a mina de Touro converteuse na explotación de cobre máis importante do norte de España. A extracción e procesado de mineral continuaron en funcionamento ata 1986, ano no que se produciu o cesamento temporal da actividade. Desde entón a mina estivo activa e dedicada á extracción e transformación de áridos empregados na industria da construción. Con posterioridade instalouse na zona o centro de valorización ambiental de Touro-O Pino, onde catro empresas se ocupan na actualidade de actividades de restauración de chans, extracción de áridos, composta de residuos orgánicos, reciclado de plásticos e I+D+i ambiental.